唔知大家有無睇過香港太空館入面嘅全天域電影？抬高頭就可以 360 度睇到近在眼前嘅大自然景象，尤其推薦大家入去睇銀河系電影，簡直蔚為壯觀，大人細路都啱睇！今次就抽時間去睇全新海洋全天域電影《小海獅大歷險》，由於細細個游開嘅泳會有海獅呢兩隻字，似乎與此結下不解緣，因為啲海獅真係好得意！

‍

《小海獅大歷險》由女導演 Amelia McCarten 執導，記錄人類關係密切的海洋生態，人類進一步探索深海的同時，浩瀚海洋裡亦有著充滿希望和奇蹟的成長故事。故事主人翁就係海洋哺乳類動物 ─ 澳洲幼海獅 Otto（奧托），在母親和伙伴的幫助下，她學習如何生存、結交新朋友、面對敵人，於這個陡峭懸崖與咆哮怒海旁的海岸生存。同時看到澳洲海岸公園管理員如何盡力拯救瀕危物種，為了減慢物種消失，特地飛到美國學習當地海獅拯救行動，最後潛入海洋看看他們的海中生活。

‍

是次電影亦為 Australian Sea Lion Research & Conservation 籌募資金，出一分力協助保育地球上剩下不足 10000 隻瀕危絕種的澳洲海獅，捐助詳情可參閱：https://www.gofundme.com/f/v3fuds-australian-sea-lion-research-conservation

相片來源：香港太空館、Definition Films

‍

地點：香港太空館天象廳

片長：44 分鐘

票價：成人 $32（後座）$24（前座）全日制學生、殘疾人士及 60 歲以上半價

購票：城市電腦售票網或即場售票