假如妳有游水嘅習慣，去泳池唔難發現大池或者某啲稍為大型嘅副池，泳池中央位置分別設有由水線分隔開的循環泳線，究竟乜嘢人先可以喺入邊暢泳呢？你又知唔知原來循環泳線都有咁多規矩？換言之，入得呢個結界就要不停游啦！

‍

循環泳線唔係普通嘅線道，想游都要按照以下守則：

① 在線內持續游泳。

② 按照「左上右落」的方向游泳。

③ 進入泳線前留意會否阻礙其他正在游泳的泳客。

④ 與前面的泳客保持 5 至 10 秒的距離。

⑤ 不要在泳線中央停留或靠在泳線上休息。

⑥ 如非游泳，請離開泳線。

⑦ 應在抵達池邊後才超越泳客，以免發生踫撞。

⑧ 任何時間均不能對其他泳客造成不便及妨礙行為。

‍

香港大部份公眾泳池的大池均設有一至兩條循環泳線，但細心留意其實某幾個熱門泳池亦會增設「快線」，原理與循環泳線一樣，但提供比泳術較佳及快泳之人士使用，同樣不可使用助浮物，要無間斷循環游泳，大家了解後就可以放心游啦！